కిళ్లీ కొట్టు కిష్టయ్య

చాలా రోజుల కిందట, రీడిఫ్ లో థాయ్ లాండ్ దేశ రాజు గురించి, వారి కుటుంబీకుల గురించి రాసారు. థాయ్ ప్రజలకి, ఆయన దేవునితో సమానం. ఆయనకి అధికారం తక్కువే ఉన్నా, కీలక సమయాలలో మంచి నిర్ణయాలే తీసుకున్నారుట. అన్నిటి కన్నా ముఖ్యంగా నన్ను ఆకట్టుకున్నది ఏమిటంటే, ఆయన పేరు. బయట ప్రపంచానికి తెలిసిన పేరు, కింగ్ భూమిభోల్. కాని ఆయనకి పట్టాభిషేకం చేసినప్పుడు ఆయనకి పెట్టిన పేరు – ప్రభాత్ సోమదేజ్ ఫ్రా పరమింద్ర మహా భూమిభోల్ అదుల్యదేజ్ మహీతలాధిభేట్ రామాధిబోధి చక్రినరుబోదినధార సాయమిందరాధిరాజ్ బోరోమనత్భోపిత్

అందరికీ నూతన సంవత్సర శుభాకాంక్షలు. ఒక వారం ఆలస్యంగా అయినా చెప్పాను అని అదో తృప్తి. 2006 పోయి 2007 వచ్చే ఢాం ఢాం ఢాం అని సంబరమే తప్పించి వేరె చెప్పుకో తగ్గ మార్పులు ఏమీ లేవు. కానీ ఎప్పటి లాగే ఈ సంవత్సరం కూడా ప్రతిజ్ఞలు (resolutions) చేసేసాను/తీసుకున్నాను. ఎన్నింటికి న్యాయం చేస్తానో ఆ వెంకన్న బాబుకి, మా ఆవిడకి తెలియాలి, తెలుస్తాయి కూడా.

అందులో ఒకటి, చిన్ననాటి స్నేహితులందరి emails తెలుసుకుని, వారిని పలకరించాలి. ఇది నాకు అత్యంత ముఖ్యమైనది.  ఈ ప్రతిజ్ఞల పట్టీలో ప్రతీ ఏడూ ఉండేది, వారానికి ఒక్కసారైనా వ్యాయామం చెయ్యడం. కొట్టులో కూర్చుని పని చేసేవాడిని నాకెందుకే వ్యాయామం అంటే వినదు మా ఆవిడ. ఉత్తినే కూర్చుంటున్నారు కాబట్టే వ్యాయామం అని ఆవిడ వాదన.

చూద్దాం ఏవి ఎంత వరకూ పాటిస్తానొ.